Karlmaður á fertugsaldri slasaðist þegar hann féll af hjóli sínu á motocrossbrautinni á Selfossi síðdegis í dag.
Maðurinn var við æfingar á brautinni ásamt félögum sínum þegar stökk hjá honum mistókst. Hann lenti ofan á hjóli sínu og féll af því.
Grunur leikur á að maðurinn hafi rifbeinsbrotnað og hlotið innvortis blæðingar en hann kvartaði yfir eymslum og öndunarerfiðleikum. Maðurinn var fluttur á slysadeild í Reykjavík til skoðunar.