Slökkvilið Brunavarna Árnessýslu var kallað út að Garðyrkjuskólanum að Reykjum í Ölfusi laust fyrir klukkan tvö í dag þegar tilkynnt var um eld í gamalli hlöðu.
„Þetta var sem betur fer lítið, það logaði þarna í einhverju rusli innan dyra. Það tók enga stund að slökkva í þessu og reyklosa húsið,“ sagði Halldór Ásgeirsson, varðstjóri hjá Brunavörnum Árnessýslu, í samtali við sunnlenska.is.
Slökkviliðsmenn frá Hveragerði og Selfossi fóru á vettvang og luku störfum rúmum hálftíma eftir að útkallið barst.
Húsið er er ekki í notkun en það er gömul hlaða og fjós sem hefur verið notað sem geymsla.