Slökkviliðið hreinsaði upp geymasýru

Slökkvilið Brunavarna Árnessýslu á Selfossi var kallað út á sjöunda tímanum í kvöld til þess að hreinsa upp geymasýru af Austurveginum á Selfossi.

Þar hafði stór rafgeymir fallið af kerru og brotnað á götunni, til móts við Tryggvagötu, svo að geymasýra lak út á götuna.

Slökkviliðsmenn hreinsuðu vettvanginn og engar tafir urðu á umferð um götuna.