Betur fór en á horfðist þegar eldur kviknaði í kertaskreytingu í einbýlishúsi í Hveragerði í gærkvöldi.
Brunavarnir Árnessýslu fengu boð um eldinn klukkan 18:30 og var slökkvistöðin í Hveragerði ræst út en fyrstu viðbragðsaðilar náðu að slökkva eldinn örfáum mínútum eftir að útkallið barst.
Eldurinn hafði kviknað í kertaskreytingu og náði ekki að breiðast út að ráði en talsverðar skemmdir urðu vegna reyks.
Slökkviliðsmenn reykræstu húsið en enginn var heima þegar eldurinn kom upp.