Brunavarnir Árnessýslu voru kallaðar út fyrir hádegi í dag vegna gróðurelda á Nesjavallaleið.
Ekki var um stórt svæði að ræða en eldurinn var í mosa, en eldur í mosa getur mallað í nokkurn tíma áður en hann tekur sig upp. Það getur því verið snúið að tryggja að ekki leynist glóð eða eldur í mosanum áður en vettvangur er yfirgefinn.
Brunavarnir Árnessýslu biðla til fólks að fara varlega með eld og aðra hitagjafa nálægt gróðri og eins að fólk hafi augun opin og bregðist við ef þið verðið elds vart. Það eru kjör aðstæður fyrir gróðurbruna í dag, gróður og jarðvegur er töluvert þurr og þarf því ekki mikið til að kveikja eld í honum.
Fræðsluefni má finna á síðunni grodureldar.is