Síðastliðinn fimmtudag slasaðist karlmaður sem var við vinnu í húsi sínu á Selfossi.
Þaksperra, sem maðurinn var að losa, féll á vinnupall sem maðurinn stóð á og felldi bæði pallinn og manninn.
Nágranni kom til aðstoðar og var viðkomandi fluttur á sjúkrahús í Reykjavík en útskrifaður fljótlega og meiðsl ekki talin alvarleg.
Á laugardag slasaðist 14 ára drengur þegar hann stökk yfir skurð við Nesjar vestan Hafnar. Hann lenti ofan í skurðinum og var líkegast fótbrotinn.
Sama dag féll maður af húsþaki á Höfn þegar hann var við málningarvinnu. Hann var fluttur á sjúkrastofnun en ekki talinn alvarlega slasaður.
Þetta kemur fram í dagbók lögreglunnar á Suðurlandi.