Einn var fluttur á sjúkrahús eftir bílveltu á Suðurlandsvegi í Hveradalabrekkunni um klukkan átta í morgun.
Þrír sjúkrabílar frá Selfossi og Reykjavík fóru á vettvang ásamt lögreglu og klippubíl frá slökkviliðinu í Hveragerði.
Ekki var talið að meiðsli þess slasaða væru alvarleg en hann var fluttur á slysadeild í Reykjavík. Bifreiðin er ónýt.
Lögreglan á Selfossi rannsakar tildrög slyssins.