Slasaðist í bílveltu

Ökumaður bifreiðar sem valt á Suðurlandvegi til móts við Steinmóðarbæ undir Eyjafjöllum í kvöld slasaðist nokkuð og var fluttur með sjúkrabíl til Reykjavíkur.

Breskt par var í bílnum sem ekið var í vesturátt. Farþeginn var minna meiddur en hann var einnig fluttur til Reykjavíkur.

Bifreiðin fór tvær til þrjár veltur og er talin ónýt.

Í gær valt bíll við Syðri-Rauðalæk í gríðalegri hálku. Ökumaður og farþegi hans sluppu með skrekkinn en bifreiðin mikið skemmd.

Á laugardag varð umferðaróhapp á Suðurlandsvegi við Markarfljót er bifreið var ekið í veg fyrir aðra bifreið sem ekið var vestur Suðurlandsveg, ökumenn sluppu ómeiddir og þykir það mildi en nokkuð tjón varð á bifreiðunum.

Þetta kemur fram í dagbók lögreglunnar á Hvolsvelli.