Slasaðist alvarlega á snjóþotu

Ellefu ára gömul stúlka slasaðist alvarlega þegar hún var að renna á sér á snjóþotu í Ytri-Skógum und­ir Eyja­fjöll­um í dag og hafnaði á húsvegg. Hún hlaut talsverða höfuðáverka og var flutt með þyrlu á slysa­deild Land­spít­al­ans.

Slysið varð um klukkan hálffjögur í dag en að sögn lögreglunnar á Hvolsvelli var stúlkan á mikilli ferð þegar hún lenti á veggnum. Hún hlaut talsverða höfuðáverka auk þess sem hún handleggsbrotnaði.

Sjúkrabíll með lækni innanborðs var sendur úr Vík og gekk vel að komast á staðinn að sögn varðstjóra hjá lögreglunni á Hvolsvelli. Stúlkan var með meðvitund og fékk hún aðhlynningu á staðnum áður en hún var flutt með sjúkrabíl á móti þyrlu Landhelgisgæslunnar.

Þyrlan lenti svo við heilsugæsluna á Hvolsvelli og sótti stúlkuna um kl. 17. Hún lenti síðan við Landspítalanum í Fossvogi um klukkan 18:45.