Fertugasta landsþing Náttúrulækningafélags Íslands samþykkti einróma áskorun til stjórnvalda að standa vörð um það mikilvæga endurhæfingarstarf sem fram fer hjá Heilsustofnun NLFÍ í Hveragerði.
Í áskoruninni segir að tryggja verði réttlæti og jafnræði við úthlutun fjármuna til endurhæfingarmála á Íslandi, þannig að það mikilvæga endurhæfingarstarf sem fram fer hjá Heilsustofnun beri ekki áfram skarðan hlut frá borði, eins og verið hefur mörg undanfarin ár.