Skora á Bjarna að tilnefna Unni Brá

Bæjarfulltrúar Sjálfstæðisflokksins í Vestmannaeyjum skora á Bjarna Benediktsson formann Sjálfstæðisflokksins að gera það að tillögu sinni að Unnur Brá Konráðsdóttir verði skipuð innanríkisráðherra.

“Unnur Brá hefur sýnt með verkum sínum að þar fer öflugur og dugandi þingmaður. Hún hefur með menntun sinni og fyrri störfum aflað sér víðtækrar og nauðsynlegrar þekkingar á þeim málaflokkum sem heyra undir ráðuneyti innanríkismála,” segir í áskorun bæjarfulltrúanna.

Að mati þeirra er eðlilegt að fyrsti kostur við val á ráðherra sé þingmaður Sjálfstæðisflokksins í Suðurkjördæmi; höfuðvígi flokksins.

Undir áskorunina rita Elliði Vignisson, Páley Borgþórsdóttir, Páll Marvin Jónsson, Trausti Hjaltason og Birna Þórsdóttir.