Fyrsta skóflustungan að Fjallaböðunum í Þjórsárdal var tekin í gær en það voru þau Katrín Jakobsdóttir forsætisráðherra, Grímur Sæmundsen forstjóri Bláa lónsins, Haraldur Þór Jónsson sveitarstjóri Skeiða- og Gnúpverjahrepps og Magnús Orri Marínarson Schram framkvæmdarstjóri Fjallabaðanna sem tóku skóflustunguna.
Áætlað er að fjallaböðin verði tekin í notkun árið 2025 en um er að ræða baðstað og 40 herbergja hótel, þar sem samspil náttúru og hönnunar á sér engan líkan, en stór hluti byggingarinnar verður byggður ínni fjallið Rauðukamba. Einnig verður reist gestastofa í mynni Þjórsárdals, 2.000 fermetra þjónustubygging sem mun hýsa upplýsingamiðstöð ferðamanna, metnaðarfullt sýningarhald og veitingaþjónustu ásamt fleiri gistimöguleikum, í smáhýsum og á tjaldstæði.
Áætlaður kostnaður við uppbygginguna er allt að 8 milljarðar króna. Bakhjarlar verkefnisins eru Rauðukambar ehf en helsti eigandi þess eru Íslenskar heilsulindir ehf, dótturfélag Bláa Lónsins hf.