Gera þarf hagkvæmniútreikninga á þeim kosti að færa vatn úr borholu við Goðaland að bæjum þar í kring í Fljótshlíðinni og nýta varmadælur á hverjum stað til að hita vatnið til nýtingar.
Þetta er talin álitlegasta aðgerðin til notkunar á vatninu úr holunni sem skilar 57 sekúndulítrum af 14 gráðu heitu vatni eins og hún er nú, 240 metra djúp.
Á mánudagskvöld var haldinn kynningarfundur þar sem farið var yfir helstu niðurstöður úr tilraunaborun sem staðið hefur yfir undanfarið í Goðalandi.
Haukur Kristjánsson, oddviti sveitarstjórnar Rangárþings eystra, segir að með holunni kunni að fást orka sem dugi til að kynda á fjórða hundruð húsa, svo mikið sé af vatninu.
Kostnaður við borun holunnar er talsvert á fjórðu milljón króna.
Sjá nánar í Sunnlenska fréttablaðinu