Jarðskjálfti af stærðinni 3,2 varð kl. 17:16 í dag í Reykjadölum, norðvestan við Hrafntinnusker. Staðsetning skjálftans er í vestanverðri Torfajökulsöskjunni.
Nokkrir minni eftirskjálftar hafa mælst. Síðast urðu skjálftar af þessarri stærðargráðu á svæðinu í janúar 2019 og ágúst 2018.
Veðurstofunni hefur borist tilkynning að skjálftans hafi orðið vart við Landmannahelli, sem er tíu kílómetrum norðan við upptök skjálftans.