Klukkan 18:49 í dag mældist jarðskjálfti af stærðinni 2,9 suðaustan við Skálafell í Ölfusi, um 500 metrum fyrir ofan Þóroddsstaði.
Veðurstofunni hafa borist tilkynningar um að skjálftinn hafi fundist á Selfossi og í Hveragerði. Nokkrir litlir eftirskjálftar hafa fylgt.
Leesndur sunnlenska.is í Hveragerði, sem eru í um 6 km fjarlægð frá upptökum skjálftans, hafa haft samband við ritstjórn og lýst því að skjálftinn hafi fundist mjög vel þar.
Annar skjálfti varð á Nesjavöllum skömmu síðar, kl. 19:11, sem mældist 2,3 að stærð og fannst einnig í næsta nágrenni.