Í dag klukkan 12:18 varð jarðskjálfti af stærðinni 3,4 í Skaftárhreppi, milli Hamarsins og Skaftárkatla í Vatnajökli.
Þetta er virkt jarðskjálftasvæði og síðast varð skjálfti yfir 3 af stærð þann 10. desember í fyrra í hrinu sem þá var í gangi á svæðinu. Stærsti skjálftinn í þeirri hrinu mældist 3,9.
Samkvæmt upplýsingum frá Veðurstofunni hafa engar tilkynningar borist um að skjálftans hafi orðið vart í byggð og enginn órói fylgir.