Jarðskjálfti af stærðinni 3,15, með upptök undir Hverahlíð á Hellisheiði, varð kl 23:50 í kvöld.
Samkvæmt heimildum sunnlenska.is fannst skjálftinn mjög vel í Hveragerði og Ölfusi en Veðurstofan hefur fengið tilkynningar um að hann hafi einnig fundist á höfuðborgarsvæðinu.
Engir eftirskjálftar hafa fylgt en fyrr í kvöld urðu tveir litlir skjálftar á svipuðum slóðum.