Jarðskjálftahrina hófst rétt fyrir kl. 7 í morgun um 3 km vestur af Húsmúla, norðan við Svínahraun í Ölfusi.
Alls hafa um 120 skjálftar mælst síðan í morgun, sá stærsti um 3,2 að stærð kl. 17:15 í dag og nokkrir aðrir rétt undir 3 að stærð.
Veðurstofu hafa borist ábendingar frá Hveragerði um að skjálftarnir finnist þar en líklegt er að þeir stærstu finnist víðar.
Skjálftar og skjálftahrinur eru nokkuð algengar á þessu svæði, síðast varð álíka hrina í júní 2024.