Á bóndadaginn héldu börnin á leikskólanum á Laugalandi í Holtum þorrablót. Blótið var með hefðbundnum hætti þar sem fyrst voru flutt skemmtiatriði.
Elstu börnin sýndu leikritið Geiturnar fjórar og fóru í samkvæmisleikinn Lilla með börnum og starfsfólki. Næst elsti hópurinn sýndi myndir í iPadinum og sögðu frumfluttarar sögur með þeim og yngsti hópurinn sá síðan um söngatriði og var að sjálfsögðu sungið um krumma. Í lok atriða var fjöldasöngur við harmonikkuundirleik Grétars Geirssonar og svo var fjörugt ball og dansað.
Að loknum skemmtiatriðum var snæddur hefðbundinn þorramatur. Fyrir þorrablótið höfðu börnin undirbúið sig og útbjó eldri hópur barnanna höfuðföt, auk þess sem stúlkurnar vildu gleðja drengina og útbjuggu hálsbindi handa þeim sem þeir fengu afhent í upphafi dagskrár.
Í kjölfar þorrablótsins verður svo unnið með íslenska menningu í leikskólanum.