Aðkoma að ærslabelgnum við Sunnulækjarskóla á Selfossi var slæm eftir helgina, búið var að moka mikið af sandi á belginn og maka á hann smurolíu.
Þessa dagana stendur yfir endurnýjun á ærslabelgnum við Sunnulækjarskóla auk þess sem verið er að setja upp aparólu og laga umhverfið þar í kring.
Reikna má með að framkvæmdirnar tefjist eitthvað vegna skemmdarverkanna, sem fela sömuleiðis í sér tilheyrandi aukakostnað.
