Skemmdarverk voru unnin á æfingasvæði Golfklúbbs Selfoss á Svarfhólsvelli aðfaranótt sl. laugardags.
Speglar í kennarabás voru brotnir og rusl og brotnar kylfur lágu á víð og dreif um svæðið þegar kylfingar mættu þangað á laugardagsmorgni.
Á heimasíðu GOS kemur fram að eftirlit verði aukið á vellinum fyrir sumarið með öryggismyndavélum og vöktun.
Þjófnaður á golfkúlum var mikill síðasta sumar en um 4.000 kúlur hurfu af æfingasvæðinu.
Skemmdarverkin hafa verið kærð til lögreglu.