Skemmdir voru unnar á leiksvæði barna á lóð leikskólans Óskalands við Finnmörk í Hveragerði á dögunum. Atvikið var tilkynnt til lögreglunnar á Suðurlandi í síðustu viku.
Rólur voru skemmdar, krotað á veggi, kveikt í dagblöðum og fleiri skemmdir unnar.
Þeir sem kunna að búa yfir upplýsingum um hver eða hverjir voru þarna að verki eru beðnir að hafa samband við lögregluna með þær upplýsingar.