L-listinn, Samvinnulistinn, sigraði í kosningunum í Skeiða- og Gnúpverjahreppi og er áfram í meirihluta í sveitarfélaginu.
Tveir listar voru í framboði í sveitarfélaginu, en voru þrír síðast. L-listi, Samvinnulistinn hlaut 240 atkvæði, 57,3% og þrjá menn kjörna og E-listi Uppbyggingar hlaut 179 atkvæði, 42,7% atkvæða og tvo menn kjörna.
Auður seðlar voru 2 og ógildir seðlar voru 3.
Á kjörskrá voru 496 og var kjörsókn mjög góð eins og oft áður í sveitarfélaginu, 85,5%.
Sveitarstjórn verður þannig skipuð:
(L) Haraldur Þór Jónsson
(E) Gunnar Örn Marteinsson
(L) Vilborg María Ástráðsdóttir
(E) Ingibjörg Sæunn Jónsdóttir
(L) Harpa Dís Harðardóttir