Skeiða- og Gnúpverjahreppur mun keppa í spurningaþættinum Útsvari föstudaginn 10. nóvember næstkomandi en þetta er í fyrsta sinn sem sveitarfélagið tekur þátt í keppninni.
Búið er að manna lið sveitarfélagsins en það munu skipa þau Anna Kristjana Ásmundsdóttir í Stóru-Mástungu, Bjarni Rúnarsson á Reykjum á Skeiðum og Steinþór Kári Kárason frá Háholti.
Skeiða- og Gnúpverjahreppur mun etja kappi við Dalvíkurbyggð og binda Sunnlendingar miklar vonir við að þetta öfluga lið Skeiða- og Gnúpverjarhrepps muni ná langt í Útsvarinu í vetur.