Skeiða- og Gnúpverjahreppur fékk flest atkvæði

Í dag var kosið um nafn á sveitarfélagið sem borið hefur heitið Skeiða- og Gnúpverjahreppur. Kjörfundi lauk kl. 18 og liggja úrslit fyrir. Núverandi nafn sveitarfélagsins fékk flest atkvæði.

Á kjörskrá voru 397. Atkvæði greiddu 209 eða 52,6% af þeim sem voru á kjörskrá.

Atkvæði féllu á þann veg að 111 kusu nafnið Skeiða- og Gnúpverjahreppur það eru 53,11 % greiddra atkvæða. 45 kusu Þjórsárhrepp það gera 21,53 %, 40 kusu Þjórsársveit eða 19,14 %, 8 kusu Þjórsárbyggð. Eystribyggð fékk 2 atkvæði. Þjórsárbakkar og Eystri hreppur fengu sitt atkvæðið hvort. Einn seðill var ógildur.

Það er því ljóst að sveitarfélagið Skeiða- og Gnúpverjahreppur mun ekki skipta um nafn að svo stöddu.