Ásgeir Guðmundsson var að skera hákarl í blíðviðrinu á bryggjunni í Þorlákshöfn í gær. Honum áskotnuðust þrír hákarlar frá lúðuveiðibát sem fékk þá út af Reykjanesi.
Sá stærsti var um 7 metrar, sem Ásgeir segir vera helst til stóran til að verkast vel, en hann ætlar samt að láta á það reyna.
Veðráttan hér sunnanlands er ekki nógu heppileg til hákarlaverkunar og því fer hann með þá vestur í Bjarnarhöfn og verkar þá þar.