Í gær, á alþjóðlegum degi mannréttinda barna, fékk Grunnskólinn í Hveragerði afhentan sinn sjötta Grænfána. Grænfáninn er viðurkenning Landverndar til skóla sem vinna að sjálfbærnimenntun á einhvern hátt.
Fulltrúar grænfánanefndar Grunnskólans í Hveragerði er skipuð af bæði nemendum og starfsfólki skólans, sem vinna saman að menntun til sjálfbærni.
Skólinn státar af einstaklega fallegum náttúruperlum allt um kring sem nýttar eru við kennslu með fjölbreyttum hætti. Til dæmis fara allir árgangar reglulega í útikennslu og fræðast þannig með beinum hætti að bera virðingu fyrir náttúrunni og sínu nærumhverfi.
Ruslatínsla og flokkun er einnig fastur liður í því að halda umhverfisvitund innan skólans á lofti.