Sjóðurinn góði óskar eftir eftir framlögum frá fyrirtækjum og almenningi þar sem þörfin er mikil í ár eins og undanfarin ár og sjóðurinn magur.
Sjóðurinn góði var settur á laggirnar árið 2008 og er samstarfsverkefni sóknarkirkja í Árnessýslu, Rauða krossins, félagsþjónustu Árborgar, félagsþjónustu Árnesþings, Hjálparstarfs kirkjunnar og ýmissa félagasamtaka í Árnessýslu.
Í desember í fyrra veitti Sjóðurinn góði styrki úr sjóðnum að upphæð 13.900.000 milljónir
Hlutverk Sjóðsins góða er að styrkja einstaklinga og fjölskyldur sem standa höllum fæti og eiga ekki fyrir nauðþurftum fyrir jólin. Einnig veitir Sjóðurinn góði styrki á vormánuðum fyrir fermingar.
Gjafir til Sjóðsins góða berast frá einstaklingum, félagasamtökum, stofnunum og verslunum bæði í formi peninga og jólagjafa. Tölvubúnaður sem notaður er við umsóknir og úthlutanir hefur TRS lánað án endurgjalds í nokkur ár. Einnig má nefna húsnæði, veitingar, prjónles að ógleymdri mikilli sjálfboðavinnu.
Starfshóp skipa fulltrúar áðurnefndra aðila og Hjálparstofnun kirkjunnar skipuleggur umsóknarferlið og annast úthlutun. Stuðst er við viðmið Hjálparstofnunar kirkjunnar varðandi mat á umsóknum.
Úthlutað er í desember úr sjóðnum vegna undirbúnings jólanna og á vormánuðum vegna ferminga. Allar umsóknir eru trúnaðarmál.
Í desember verða jólatré staðsett í Sunnumörk í Hveragerði og á bókasafninu á Selfossi þar sem fólk getur sett gjafir undir tréð líkt og undanfarin ár sem eru ætlaðar Sjóðnum góða.
Starfshópur Sjóðsins góða þakkar öllum þeim aðilum sem styrkt hafa sjóðinn á síðasta ári.
Hægt er að leggja inn Sjóðinn góða inn á bankareikning nr. 0325-13-301169, kt. 560269-2269. Margt smátt gerir eitt stórt.