Sjálfstæðismenn telja á morgun

Ekki verður hægt að telja atkvæði í prófkjöri Sjálfstæðisflokksins í Suðurkjördæmi í kvöld líkt og til stóð vegna veðurs. Atkvæði verða talin á morgun, sunnudag.

Búið er að loka flugvellinum í Vestmannaeyjum og verður ekki flogið þaðan fyrr en á morgun. Byrjað verður að telja atkvæði á hádegi á morgun en ekki er ljóst hvenær fyrstu tölur muni birtast.

Kjörstöðum var lokað klukkan 18 og ekki er vitað hver kjörsóknin var.