Það hvíldi þoka yfir Selfossbæ og nágrenni í morgun sem skapaði dulúðlega birtu í dagrenningunni.
Þegar sólin reis ofar í austri myndaðist sjaldséður þokubogi á vesturhimninum.
Þokubogi er að sumu leyti eins og regnbogi en þar sem vatnsdroparnir í þokunni eru örsmáir verður ljósbrotið öðruvísi sem leiðir til þess að þokubogar virðast litlausir.
Þar sem sést endurkast af hvítaljósinu eru þokubogar einnig þekktir sem hvítir regnbogar eða draugaregnbogar.