Grunnskólinn Hellu verður símalaus frá og með mánudeginum 15. janúar. Það var ákveðið eftir miklar umræður og viðhorfskönnun í skólasamfélaginu.
Skólastjórnendur ákváðu að fela skólaráði að kanna hug foreldra og starfsmanna skólans til málsins en í skólaráði sitja fulltrúar nemenda, foreldra, kennara, annarra starfsmanna og stjórnenda.
Lögð var fyrir viðhorfskönnun um hvaða útfærsla á breyttum skólareglum hugnaðist fólki best og hvernig fólk sæi fyrir sér ef skólinn yrði símalaus.
Í ljósi niðurstaðna könnunarinnar komst skólaráð að þeirri niðurstöðu að notkun snjalltækja í einkaeigu nemenda verði bönnuð í skólanum.