Nýverið var gerð óháð úttekt á Sigurhæðum, þjónustu við þolendur kynbundins ofbeldis á Suðurlandi.
Niðurstaðan er sú að Sigurhæðir eru framúrskarandi úrræði, meðferðarstarfið er faglegt og afskaplega vel heppnað, forystan traust og mikil ánægja ríkjandi meðal bæði samstarfsaðila, skjólstæðinga og Soroptimistasystranna í Suðurlandsklúbbnum.
Undirbúningur við Sigurhæðaverkefnið hófst haustið 2020 og Sigurhæðir opnuðu í lok mars 2021.
Skýrsla fjallar um helstu niðurstöður ytra mats á undirbúningi og innleiðingu Sigurhæðaverkefnisins, helstu styrkleika og veikleika þess, tækifæri til umbóta og reynsluna af starfseminni fyrsta heila starfsárið. Nýrra gagna var meðal annars aflað með viðtölum, samráðshópum, og viðhorfskönnunum.
Það var dr. Þorgerður J. Einarsdóttir, prófessor við stjórnmálafræðideild Háskóla Íslands, sen var ábyrgðarmaður ytra matsins en Kristín A. Hjálmarsdóttir, sjálfstætt starfandi fræðimaður, sá um framkvæmd úttektarinnar fyrir hennar hönd.