Sigríður Björg Ingólfsdóttir hefur verið ráðin hjúkrunarstjóri við Heilbrigðisstofnun Suðurlands á Heilsugæslunni í Hveragerði.
Hún hefur gengt því starfi undanfarið ár í fjarvist Guðnýjar Gísladóttur sem nú hefur látið af störfum sem hjúkrunarstjóri. Guðný vinnur enn á heilsugæslustöðinni sem almennur hjúkrunarfræðingur í hlutastarfi.
Sigríður Björg hefur starfað við HSu frá árinu 2004, en hún lauk BS námi í hjúkrunarfræði frá Háskólanum á Akureyr árið 2005. Sigríður hefur lengst af unnið á heilsugæslustöðinni í Hveragerði auk þess sem hún leysti af hjúkrunarstjóra á heilsugæslustöðinni í Þorlákshöfn árið 2008-2010. Einnig starfaði hún í tæp þrjú ár á heilsugæslu Selfoss.