Sigríður og Mikael tóku við verðlaunum á Bessastöðum

Undanfarin ár hefur Grunnskólinn í Hveragerði tekið þátt í enskri smásagnakeppni á meðal íslenskra grunnskóla, sem félag enskukennara á Íslandi (FEKÍ) stendur fyrir.

Undanfarin ár hefur árangur nemenda Grunnskólans í Hveragerði vakið athygli en nemendur skólans hafa verið að fá verðlaun fyrir góðan árangur. Árið í ár var engin undantekning.

Sigríður Kristín Hallgrímsdóttir í 8. bekk hlaut 2. verðlaun í flokknum 7. – 8. bekkur og Mikael Rúnar Jónsson í 5. bekk hlaut 1. – 2. verðlaun í flokknum 6. bekkur og yngri.

Síðastliðinn föstudag voru verðlaunin veitt við hátíðlega athöfn að Bessastöðum en það var forsetafrúin, Eliza Reid, sem tók á móti vinningshöfum og heiðraði þeirra árangur.