Sigfús Kristinsson, húsasmíðameistari á Selfossi, var einn þeirra tólf sem forseti Íslands sæmdi heiðursmerki hinnar íslensku fálkaorðu við hátíðlega athöfn á Bessastöðum í dag.
Orðuna fær Sigfús fyrir framlag sitt til atvinnulífs og iðnmennta í heimabyggð.
Sigfús fæddist í Litlu-Sandvík í Sandvíkurhreppi árið 1932. Eftir að hafa lokið meistaraprófi í húsasmíði hóf sjálfstæðan atvinnurekstur við byggingarstarfsemi á Selfossi og nágrenni árið 1961.
Sigfús hefur reist fjölda stórhýsa sem hafa orðið áberandi í bæjarmynd Selfoss og víðar á Suðurlandi, svo sem Vöruhús KÁ, Sjúkrahús Suðurlands, íþróttahúsið á Laugarvatni, Fjölbrautaskóla Suðurlands og Laugardælakirkju.
Hann rak á tímabili eitt stærsta verktakafyrirtæki á Suðurlandi og kenndi fjölda iðnsveina um árabil. Með árunum dró Sigfús úr umsvifum sínum en þrátt fyrir háan aldur en hann þó enn sístarfandi við smíðar á Selfossi.