Síðasta eintak dagatals Félags sjúkraflutningamanna í Árnessýslu verður boðið upp í beinni útsendingu á Útvarpi Suðurlands á laugardaginn, 22. desember.
Allar stjörnur dagatalsins hafa áritað eintakið en upplagið af því er uppselt eins og venjulega.
Sjúkraflutningamennirnir skora á einstaklinga og fyrirtæki að bjóða í eintakið, en allur ágóðinn rennur óskiptur til tveggja fjölskyldna langveikra barna.
Eins og venjulega munu sjúkraflutningamennirnir banka uppá hjá tveimur fjölskyldum á aðfangadag og styrkja þær með veglegri peningagjöf.
Útsendingin á laugardaginn stendur yfir frá 12-16 og allan þann tíma verður hægt að bjóða í dagatalið.