Sextán manns eru í einangrun í dag á Suðurlandi vegna COVID-19, í þremur sveitarfélögum í Árnessýslu.
Átta eru í einangrun í Þorlákshöfn og þar eru fimm í sóttkví. Fimm eru í einangrun í Hrunamannahreppi og þar eru tveir í sóttkví og á Selfossi eru þrír í einangrun og ellefu í sóttkví.
Þar að auki eru þrír í sóttkví í Rangárþingi ytra og einn í Árborg, þannig að samtals eru 22 í sóttkví á Suðurlandi.
Þá eru 144 í skimunarsóttkví eftir að hafa farið í sýnatöku á landamærunum.
Þetta kemur fram í daglegum tölum frá Heilbrigðisstofnun Suðurlands.