Lögreglan á Suðurlandi handtók í gær sex erlenda ríkisborgara í tengslum við rannsókn á vasaþjófnaði sem stundaður hafa verið á ferðamannastöðum undanfarnar vikur.
Annars vegar voru þrír handteknir við Seljalandsfoss þegar þeir voru staðnir að verki við eftirlit óeinkennisklæddra lögreglumanna og hins vegar þrír handteknir á Selfossi, sem eftirlýstir voru vegna gruns um að vera viðriðnir þessa sömu brotastarfsemi.
Í tilkynningu frá lögreglunni á Suðurlandi segir að áfram sé unnið að rannsókn fyrirliggjandi mála og mögulegra tengsla fólksins sem tekið var höndum við þau.
Þá er unnið er brottvísun fólksins frá landinu á grundvelli laga um útlendinga.