Lögreglan á Suðurlandi kærði tvo ökumenn fyrir að aka undir áhrifum áfengis og aðra tvo fyrir að aka undir áhrifum fíkniefna í umdæminu í liðinni viku.
Tveir ökumenn, annar á fólksflutningabifreið, voru kærðir fyrir að tala í síma við akstur bifreiða sinna.
Þá komu upp fimm mál þar sem sauðfé varð fyrir bíl. Sex lömb liggja í valnum eftir þessar ákeyrslur sem urðu allt frá Landvegamótum austur að Höfn í Hornafirði.