Framleiðsla er að hefjast hjá Set á foreinangruðum pípum í sérstakt verkefni í Noregi.
Verkefnið felur í sér smíði og einangrun á ryðfríum stálpípum, beygjum og tengihlutum fyrir gaslögn við höfnina í Fredrikstad. Um er að ræða fljótandi gas sem er í mjög lágu hitastigi eða um -160°C.
Að sögn Bergsteins Einarssonar, framkvæmdastjóra Sets, er verkefnið nokkuð flókið tæknilega en ákveðið var að einangra beina pípuhluta í verksmiðjunni Þýskalandi til að spara flutningskostnað en smíða tengistykkin og einangra þau á Selfossi.
Heildarverðmæti samningsins er um 350.000 evrur eða um 56 milljónir króna.