Sr. Sigríður Munda Jónsdóttir, sóknarprestur í Þorlákshafnarprestakalli, verður í námsleyfi frá 1. ágúst næstkomandi til 1. september 2027.
Sr. Sigrún Óskarsdóttir mun annast afleysingu og þjóna prestakallinu á meðan, en í Þorlákshafnarprestakalli eru þrjár kirkjur; Þorlákskirkja, Hjallakirkja í Ölfusi og Strandarkirkja í Selvogi.
Sigrún er fædd í Reykjavík árið 1965. Hún lauk stúdentsprófi frá Menntaskólanum að Laugarvatni 1985, guðfræðiprófi frá Háskóla Íslands 1991 og síðar sálgæslunámi frá Loviseninstituttet í Ósló. Hún hefur starfað víða sem prestur, bæði á Íslandi og í Noregi og nú síðast sem fangaprestur Þjóðkirkjunnar.