Sendiherra ESB heimsótti Hvolsvöll

Timo Summa, sendiherra ESB á Íslandi, kom í heimsókn í ráðhúsið á Hvolsvelli í dag með fríðu föruneyti.

Þar fór hann yfir stöðu mála í Evrópumálunum og svaraði fyrirspurnum frá Ísólfi Gylfa Pálmasyni, sveitarstjóra og Guðlaugu Ósk Svansdóttur, formanni byggðarráðs.

Margt bar á góma eins og t.d. hver staða Íslands innan Evrópusambandsins yrði og hverjir kostir og gallar aðildar væru.

Summa var svo með opinn fund á Hótel Hvolsvelli í kvöld.