Seint á föstudagskvöld fóru lögreglumenn á veitingastaði á Selfossi til að kanna með aldur gesta. Á einum staðnum voru fjórir gestir undir aldri og hafði þeim verið selt áfengi.
Á staðnum var á sjöunda tug gesta og fjórir þeirra undir aldri. Enginn dyravörður var á staðnum.
Veitingamaðurinn var kærður og málið er til rannsóknar hjá lögreglu.
Á laugardagskvöld fór lögregla aftur í eftirlit á vínveitingastaði á Selfossi. Í þeirri ferð urðu lögreglumenn ekki varir við annað en að settum reglum væri fylgt.