Brotist var inn í verslunina Samkaup-Úrval á Selfossi um kl. 22 í gærkvöldi. Innbrotsþjófurinn braut rúðu og fór inn en var svo óheppinn að í versluninn var maður enn að störfum við ræstingar.
RÚV greinir frá þessu.
Innbrotsþjófurinn forðaði sér en starfsmaðurinn hringdi á lögreglu. Enn syrti í álinn fyrir innbrotsþjófinn þegar hún kom á staðinn, því nýsnævi var yfir öllu og slóð hans auðrakin milli verslunarinnar og heimilis hans.
Til að bæta gráu ofan á svart var hann var hann á leið út úr húsi þegar lögregla kom heim til hans og gekk því beint í flasið á laganna vörðum. Hinn seinheppni innbrotsþjófur eyddi nýársnótt í fangageymslu.