Nemendur Menntaskólans að Laugarvatni gengu út úr skólanum klukkan 11 í morgun til þess að sýna samstöðu með nemendum Menntaskólans við Hamrahlíð.
Nemendur í MH gengu út á sama tíma til þess að mótmæla aðgerðarleysi skólastjórnenda vegna kynferðisbrotamála sem komið hafa upp innan veggja skólans.
Nemendurnir í ML söfnuðust saman fyrir framan aðalinngang skólans og héldu á lofti skiltum til stuðnings þeim sem hafa orðið fyrir kynferðisofbeldi.