Samstarfsfundir um greiningu á ljósmyndum

Á Vori í Árborg hélt Héraðsskjalasafn Árnesinga sinn fyrsta samstarfsfund um greiningu á ljósmyndum. Fundurinn var vel sóttur og tókst að greina rúmlega helming myndanna sem sýndar voru.

Um er að ræða vettvang þar sem fólk kemur saman og leitast við að nafngreina fólk, staði og fleira á ljósmyndum úr fórum Héraðsskjalasafnsins sem starfsmaður þess varpar uppá tjald.

Ætlunin er að halda áfram með þessa samstarfsfundi og næsti fundur verður föstudaginn 5. maí kl 10:00- 12:00 í sal á 3. hæð Ráðhúss Árborgar. Þriðji fundurinn verður svo föstudaginn 19. maí á sama stað og sama tíma.

Starfsmenn safnsins vilja hvetja sem flesta til þess að mæta á þessa fundi og eiga með þeim skemmtilega samverustund.

Uppbyggingarsjóður Suðurlands styrkir verkefnið.