Um síðustu helgi var undirritaður samningur á milli Stokkseyringafélagsins og Sveitarfélagsins Árborgar um rekstur Þuríðargarðs á Stokkseyri, sem félagið hefur tekið að sér að sjá um.
Um er að ræða skrúðgarð á Ranakotstúninu þar sem Þuríður Einarsdóttir var fædd.
Það voru Ásta Stefánsdóttir, frá Grund, framkvæmdstjóri Sveitarfélagsins Árborgar og Siggeir Ingólfsson, frá Syðra-Seli, formaður Stokkseyringafélagsins sem undirrituðu samninginn í nýja barnaskólanum á Stokkseyri.