Samningur kærður til ráðuneytis

Ólafur Sigurjónsson í Forsæti í Flóa hefur kært nýgerðan samning Árborgar, Flóahrepps og Landsvirkjunar um öflun og sölu vatns til samgönguráðuneytisins.

Gerir Ólafur þá kröfu að sveitar­stjórn Flóahrepps verði lýst vanhæf í málinu, samningurinn verði ómerktur og til vara að aðkoma Landsvirkjunar að samningnum hvað varðar Urriðafossvirkjun verði úrskurðuð ólögmæt.

Byggir hann kæruna á því að samkvæmt samningnum kosti Landsvirkjun framkvæmdir við vatnsveituna og hreppurinn eignist framlag Landsvirkjunar gegn því að samþykkja skipulag þar sem gert er ráð fyrir Urriðafossvirkjun samkvæmt samkomulagi sem hreppur­nn og Landsvirkjun gerðu sumarið 2007.

Þann samning hafi samgönguráðherra úrskurðað að hluta til ólögmætan. Frá Samgönguráðuneytinu fengust þær upplýsingar að kæran hafi borist. Ráðuneytið vildi ekki fullyrða um áhrif kærumálsins á vatnsveituframkvæmdir, yfirleitt taki mánuði frekar en vikur að ljúka afgreiðslu slíkra kæra og niðurstaðan ein ráði hver áhrifin verða.