Fyrr í dag skrifuðu fulltrúar Sveitarfélagsins Ölfuss og forsvarsmenn Verkeininingar ehf. undir samning um byggingu nýs fjögurra til sex deilda leikskóla sem byggður verður við Bárugötu 22 í Þorlákshöfn.
Um er að ræða 880 m2 fullbúinn leikskóla og er heildarsamningsfjárhæðin 595 milljónir eða rétt um 676 þúsund pr. fermeter. Tilboð Verkeingar var það lægsta af átta tilboðum sem bárust, um 88% af kostnaðaráætlun.
Áætlað er að með tilkomu hins nýja leikskóla verði til allt að 80 ný leikskólarými í Þorlákshöfn. Í dag er ekki biðlisti eftir plássum en hinum nýja leikskóla er ekki hvað síst ætlað að mæta þörfum vegna vaxandi byggðar og aukinnar þjónustu.
Framkvæmdir hefjast strax og á að vera að fullu lokið eigi síðar en 1. september 2025.
