Kosningabarátta Samfylkingarinnar var dýrust hjá framboðunum fjórum í Árborg. Sjálfstæðisflokkurinn safnaði hæstu styrkjunum.
Upplýsingar um kostnað og styrki framboðanna fjögurra voru lagðar fram á síðasta bæjarráðsfundi. Kostnaðurinn var mestur hjá Samfylkingunni, 1.692.588 krónur en skammt þar á eftir kom Sjálfstæðisflokkurinn með 1.669.480 krónur. Sjálfstæðismenn höfðu mestar tekjur af framboði sínu, 1.542.437 krónur en Samfylkingin var með 1.061.542 krónur í tekjur.
Kostnaður Framsóknarfélags Árborgar var 1.012.120 krónur og tekjurnar 823 þúsund. Kostnaður Vinstri grænna var tæp 751 þúsund krónur og tekjurnar 532 þúsund.